Uppáhaldsmyndir: Army of Darkness

Jæja. Ég ætla að herma aðeins eftir honum Hauki vini mínum og útlista hér á blogginu nokkrar af mínum uppáhaldsmyndum. Hann fyrirgefur mér vonandi hugmyndaþjófnaðinn.

 Fyrsta mynd á dagskrá er stórvirkið Army of Darkness eftir leikstjórann Sam Raimi.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Sam Raimi er þó máski þekktastur fyrir að hafa staðið á bak við skelfilegar kvikmyndir um kóngulóardreng nokkurn, en förum ekki nánar út í það. 

Myndin er sjálfstætt framhald Evil Dead myndanna og skartar kaldhæðnismeistaranum Bruce Campbell í hlutverki seinheppnu and-hetjunnar Ash.

Myndin fjallar í stuttu máli um hvernig fyrrnefndum Ash er varpað aftur til ársins þrettánhundruð og þrúgusykur, beint inn í stríð milli góðs og ills. Hetjan okkar þarf síðan að sigrast á allskyns skrímslum og forynjum í baráttu sinni við að komast aftur til síns tíma. (með tilheyrandi einlínungum og sniðugheitum)

 Myndin kom út 1993 en fékk ekki mikla aðsókn enda bíóárið 1993 stútfullt af blokkbösterum eins og Schindler´s List og Groundhog Day. Army of Darkness hefur hinsvegar orðið afar vinsæl með árunum og á sér í dag stóran hóp aðdáenda sem fer sífellt stækkandi.

Ég sá Army of Darkness fyrst 1994 fyrir tilstilli stóra bróður míns (eins og svo margar aðrar góðar myndir) og breytti sú upplifun því hvernig ég hugsa um fantasy og grínmyndir.

Ég mæli eindregið með að þeir sem ekki hafa séð þessa ræmu kíki á hana sem fyrst og að þeir sem hafa séð hana sjái hana aftur á stundinni. 

Hér er svo stilka úr myndinni:

Gimmie some sugar baby! 

Athugasemdir

[Haukur Viðar, 3.3.2008 kl. 17:45]

Frábær mynd!

Sá hana fyrst fyrir slysni á Stöð 3 í gamla daga......vissi ekki hvað var í gangi! 

[Hjörtur Hjartarson (IP-tala skráð) 3.3.2008 kl. 20:36]

Þetta er æðisleg mynd! Horfi reglulega á hana og er hún alltaf jafn skemmtileg

[Hjörtur Hjartarson (IP-tala skráð) 3.3.2008 kl. 20:43]

Lurkurinn er mjög hrifin af þessari mynd enda hefur Lurkurinn mjög svipaða reynslu á berjast á móti góðu og illu... fór eftir því hver borgaði meira. Ash er samt helvíti öflugur en Lurkurinn hefur samt þurft að lúskra á honum nokkrum sinum

[steinimagg, 3.3.2008 kl. 22:27]

Alveg rétt, sá restina af henni fyrir mörgum árum og ætlaði alltaf að sjá hana alla, best að drífa í því.