Færsluflokkur: Bloggar

Nýar Íslenskar skákskrýtlur

Mig langaði að koma á framfæri þessari stórskemmtilegu síðu.

http://www.maniccomics.com

Hér er að finna skrýtlur sem gerast á og í kringum taflborðið. Uppátækjasöm peðin láta sér ekki leiðast. Endilega kíkið á þetta og deilið sem víðast. 


VOPN - Rokk & ról

Halló kæru bloggarar og þið sem villst hafið inn í svartholið sem blog.is er.

 

Endilega kíkið á nýju hljómsveitina mína Vopn

http://www.reverbnation.com/vopn

 

Góðar stundir!


Jón og strippið.

Jón er góður maður. Hann er réttsýnn, sanngjarn og ötull talsmaður fyrir jafnrétti kynjanna.

Jón fer sáttur að sofa í kvöld. Hann hefur staðfastur stutt flokkinn sinn í mikilvægu þjóðþrifamáli nú í mörg ár og loksins, loksins náðist það í gegn.

Nektardans verður bannaður í sumar.

Jóni hryllir við tilhugsuninni um grey stelpurnar sem hríslast uppi á sviði fyrir framan einhverja ógeðslega karla. Svo þrífst á þessum stöðum fíkniefnasala, vændi, mansal og fleira misjafnt.

Reyndar hefur Jón aldrei stigið fæti inn á strippstað en hann hefur margoft mætt á atburði tengda þeim. Hann hefur heldur aldrei talað við neinn sem unnið hefur á strippstað.

Hann reyndi jú einu sinni að tala við nokkrar stúlkur sem voru á leið til vinnu.

Hann og nokkrir aðgerðarsinnar úr sínum flokki höfðu staðsett sig fyrir utan strippstað í miðborginni og voru að dreifa bæklingum um mansal og mannréttindi. Stúlkurnar sem hann ætlaði að tala við voru ekkert mjög móttækilegar fyrir boðskapnum sem hann var að dreifa og sá Jón það sem augljóst merki kúgunar.

Stúlkurnar voru eflaust skíthræddar um að atvinnuveitandi þeirra myndi refsa þeim fyrir að tala við Jón. Fangar melludólga og fíkniefnabaróna sem niðurlægja þær til að hagnast sjálfir.

Eða hvað?

Höfðu þessir strippstaðir ekki starfsleyfi?

Fyrst að staðirnir voru opnir og opinberir, var þá ekki eftirlit með því sem fór þar fram eins og á öðrum skemmtistöðum?

Höfðu borist ábendingar og kvartanir undan ólöglegu eða misjöfnu athæfi á stöðunum?

Höfðu eigendur staðanna verið ásakaðir, rannsakaðir, kærðir eða dæmdir fyrir eitthvað ólöglegt?

Stóð starfsfólk þessara staða ekki í skilum á skatti?

Var starfsfólkið ólöglega flutt til landsins?

Var starfsfólki staðanna haldið nauðugu og selt í kynlífs eða aðra þrælkun?

Fékk starfsfólk staðanna ekki borgað fyrir vinnu sína?

Var starfsfólkinu ekki frjálst að segja upp sinni vinnu og hætta?

Er það ekki hvers og eins að ákveða hvort honum þykir hann niðurlægður?

Það er mörgum sem þykir illa borguð afgreiðslustörf með lélegan vinnutíma niðurlægjandi.

Öðrum finnst það fínt og gera gott úr vinnu sinni. Fullt af fólki vinnur skítadjobb til að þóknast öðru fólki og fá greitt fyrir.

Eigum við að banna þær starfsstéttir líka?

Nú getur Jón sofið vel á nóttunni því hann veit að lögreglan og ríkið þurfa ekki að halda úti eftirliti með nektardansstöðum.

Hann þarf ekki að hafa áhyggjur af því að lögráða einstaklingar ákveði sjálfir hvort þeir kjósi að vinna við nektardans.

Og hann getur svo sannarlega sleppt því að hafa áhyggjur af því að fullorðið fólk sé að dandalast á strípibúllum allar nætur.

Ef það er bannað þá er það ekki til.

Er það ekki?

Nú getur duglegt athafnafólk hugsað sér gott til glóðarinnar. Nú þarf ekki að pæla í því hvort strippararnir séu með starfsleyfi eða ekki. Nú þarf ekki að borga þeim neitt frekar en maður vill og hvað þá að greiða af launum skatta. Ríkið er búinn að búa til verndaðan vinnustað fyrir dólga sem ekki lengur þurfa að hafa áhyggjur af því að yfirvöld séu að skipta sér af atvinnurekstrinum sínum.

En snýst þetta mál um stripp?

Snýst þetta ekki frekar um frelsi einstaklingsins til að starfa við það sem hann kýs? Er það ekki fullorðið fólk sem ákveður sjálft hvort það vill notfæra sér þjónustu fyrirtækis eða ekki?

Ef það er eftirspurn þá mun ávallt vera framboð.

Er ekki betra að hafa spilin uppi á borðinu í stað þess að búa til undirheimastarfsemi sem ekki þarf að fylgja neinum reglum?

En Jón er ánægður með dagsverkið og mun sofa vel í nótt. Hann mun vakna ferskur á morgun að takast á við næsta verkefni.

 


Ring

Halló.

Mig langaði bara að koma því til skila að það er algjör veruleikafirring að halda því fram að ruslið sem Gore Verbinski sendi frá sér og kallaði The Ring endurgerða sé góð og eigi heima á einhverskonar best of lista.

Nú hvet ég alla að sjá upprunalegu myndirnar. Þær eru þrjár talsins og fást á öllum betri videoleigum og torrent síðum. 

Ringu er afkvæmi japanska leikstjórans Hideo Nakata. Því miður veit ég ekki frekari deili á þeim ágæta manni en sagan segir að honum hafi þótt endurgerðin svo léleg að hann ákvað að leikstýra annari myndinni sjálfur. Á IMDB stendur svo að sú þriðja sé væntanleg 2009 í leikstjórn Nakata.

Þegar þið eruð búin að sjá a.m.k fyrstu upprunalegu myndina, þá getið þið tékkað á hollywood viðbjóðnum sem endurgerðin er.

Í alvörunni... Heldur einhver að gæinn sem gerði Pirates of the Caribbean geti gert scary hrollvekju. 

 

-Góðar stundir 

Ring ARG... Hvort á ég að sjá endurgerðina eða upprunalegu. 


mbl.is 10 bestu hrollvekjurnar fyrir Hrekkjavöku
Tilkynna um óviðeigandi tengingu við frétt

Uppáhaldsmyndir: WALL·E

Halló.

Ég vil byrja á að biðjast afsökunar á hangsinu en nú er ég loks sestur niður til að skrifa um mynd.

 

Mér þykir myndin afar viðeigandi núna í ljósi þess sem dynur á þjóðinni. Ég er allavegana kominn með hundleið á öllu tali um vísitölur og kreppur, enda er mér skítsama. Þið gerið ykkur grein fyrir því að heimurinn snýst um annað og meira en peninga... er það ekki?

 

En jæja. Ég var semsagt kominn upp í rúm með popp og kók og upp í háls af jakkalökkum, hafði nýverið stolið mér fjöldanum öllum af höfundarréttarvörðu efni af netinu (enda í stríði við bónusvídeo, sambíóin og fleiri okrara)  og smellti wall-E í gang.

Rusli

Um leið og myndin byrjar er maður aftur orðinn krakki. Grafíkin, "leikurinn", hljóðið, myndatakan.. framúrskarandi. Og ekki er handritið af verri endanum.

Myndmálið er allsráðandi enda er ekki sagt stakt orð fyrri helming myndarinnar. Litli rusla róbótinn Wall-E á myndina skuldlaust. Reyndar minnir hann mig svolítið á Ryks-Hugann hans Dodda, sem vinnur og vinnur á meðan húsbóndinn er úti... En það er önnur saga.

Wall-E kom út í Júlí 2008, var gerð af Disney/Pixar í leikstjórn Andrew Stanton. Andrew þessi hefur unnið við meira og minna allar tölvuteiknimyndir sem D/P hafa gert en hann leikstýrði t.d Leitinni að Nemó og Pöddulífi sem báðar tvær nutu gríðarlegra vinsælda hér fyrir nokkrum árum. 

Wall-E fjallar í stuttu máli um vélmenni sem skilið hefur verið eftir á jörðinni, eftir að mennirnir hafa stungið af, til að tína upp eftir okkur ruslið. Fjöldinn allur af þessum vélmennum voru eitt sinn starfandi en þegar við sögu er komið er hetjan okkar ein eftir.
Á þeim árum sem Wall-E hefur verið samviskusamlega að týna rusl hefur hann þróað með sér svolitla greind og forvitni ásamt því að eiga lítinn kakkalakka vin.

Leikar æsast svo þegar óvæntir gestir gera vart við sig en þið verðið að sjá myndina til að komast að því hvað það hefur í för með sér.

wall-e og kakkalakkinn

 

 

 

 

 

 

 

 

 

 

Wall-E er uppfull af húmor og æðislegum uppákomum og vélmennið sjálft finnst mér vera einn besti karakter sem sést hefur í teiknimynd. En undir öllu saman er að sjálfsögðu boðskapur sem í þetta skiptið (þótt ótrúlegt sé hjá Disney) er ekki sljepulegur og væminn heldur upplífgandi og skemmtilegur.

Ég held ég geti lofað því að það verði enginn svikinn yfir Wall-E.
Slökkvið nú á fréttatímunum og hendið viðskiptablaðinu. Takið því rólega og nýtið þessu æðislegu haustkvöld í eitthvað gáfulegra... Wall-E væri góð byrjun á því. 

 

Góðar Stundir. 

 


Stuttmyndakeppni


Ég ætlaði bara að láta alla vita að stuttmyndin mín, Smásaga, komst áfram á Stuttmyndadögum Reykjavíkur.
Aðalkeppnin er á morgun, Fimmtudaginn 29. maí og verða allar úrslitamyndirnar sýndar í Kringlubíói.
Herlegheitin byrja klukkan sjö (19:00) og það er frítt inn.
Veitt verða verðlaun fyrir þrjár bestu myndirnar og fær vinningsmyndin sæti á Short Film Corner á Cannes.
Einnig kjósa áhorfendur um myndina sem þeim líkar best við og því vill ég endilega sjá sem flesta... (og kjósa mig :)

Nú þeir sem komast ekki geta samt kíkt á myndina hér til hliðar á blogginu eða á hlekknum hér fyrir neðan:
http://kvikmyndaskoli.is/viewmedia.php?file=319

Sjáumst.
-Maggi


Uppáhaldsmyndir: Æon Flux

Æon Flux er kannski ekki mynd sem prýðir marga topplista hjá kvikmyndaunnendum en ég ætla engu að síður að setja hana á minn.

Æon FluxHvað er svosem ekki að líka við?
Dúndur kvenhetja í þröngum spandexgalla að lúskra á illmennum framtíðarinnar með tilheyrandi tæknibrellum og skemmtilegheitum.


Æon Flux kom út árið 2005 í leikstjórn Karyn Kusama (Girlfight) og skartaði ofurbombunni og óskarsverðlaunahafanum Charlize Theron í hlutverki uppreisnarhetjunnar Æon Flux.

 

Flux kom fyrst fyrir í teiknimyndum sem sýndar voru á MTV 1991 og voru þær sköpunarverk Peter Chung (sem ég veit lítið meira um).
Myndin á hinsvegar eitthvað lítið sameiginlegt með teiknimyndunum og var ýmsu breytt til að koma dömunni á hvíta tjaldið.

 

 Æon Flux gerist 400 árum eftir a› hræðilegur vírus hefur þurrkað meirihluta mannkyns út.

Eftirlifendur hafa komið sér fyrir í síðustu stórborginni... en þar er ekki allt með felldu.
Æon Flux er meðlimur andspyrnusamtaka sem grunar að eitthvað skuggalegt sé í gangi og berst á móti ríkisstjórn borgarinnar... í þröngum leðurdressum með sprengjur í háu hælunum, framtíðar handafótum og röntgen augum.

aeonflux

 

Það er eitthvað við þessa mynd sem gerir það að verkum að ég get horft aftur og aftur á hana.

 

 

Ekki er söguþráðurinn eða leikurinn úr gulli (þótt Frances McDormand og Pete Postlewaite bregði fyrir) en litirnir, lúkkið, tónlistin og myndatakan eru frábær.
Myndatökumaðurinn Stuart Dryburgh skilar þessum japanska/ameríska teiknimyndafílíng af sér á skemmtilegan hátt og myndin leikur við augun.

 

 

Mæli með Æon Flux fyrir alla þá sem vilja bara slaka á og horfa á mjúkaeonflux2a og simmetríska mynd með fallegar línur

aeonfluxcmovie34

 

 Ég kveð þá að sinni með loforði um að það verði ekki jafn langt í næstu mynd.

-Maggi 

 

 

 

 


Gary Gygax

Fantasty höfundurinn og leikjafrömuðurinn Ernest Gary Gygax lést 4. Mars síðastliðinn 69 ára að aldri.

GaryGygaxmezzobusto
Gary Gygax var einn af höfundum spunaspilsins Dungeons & Dragons og frumkvöðull á sviði þannig leikja. Gygax stofnaði á sjöunda áratugnum I.F.W eða International Federation of Wargamers þar sem fólk kom saman og spilaði herspil með tindátum. 

Fljótlega uppúr því fór Gygax að þróa sínar eigin reglur og hugmyndir útfrá þessum herkænskuleikjum og gaf út leikreglurnar fyrir spunaspilið Chainmail árið 1971.

Árið 1973 stofnaði hann ásamt Don Kaye TSR (tactical studies rules) sem árið 1974 gaf út fyrstu útgáfu Dungeons & Dragons. Gygax varð fljótlega goðsögn á meðal aðdáenda spunaspila og TSR leiðandi afl í útgáfu slíkra leikja. Hjá TSR gaf Gygax meðal annars út spilið Greyhawk fyrir D&D sem enn í dag er það vinsælasta sem gefið hefur verið út og er talað um sem standardinn fyrir fantasy spunaspil.  

Gygax hætti hjá TSR árið 1985 eftir miklar innanborðs deilur og vesen en fyrirtækið sigldi í strand nokkrum árum síðar. Wizards of the coast keyptu útgáfuréttinn uppúr því og hafa haldið áfram að þróa leikinn til dagsins í dag.

 PH
Gary Gygax hélt hinsvegar ótrauður áfram og gaf út tugi (ef ekki hundruð) bóka fyrir leiki sína, vann að tölvuleikjum og skrifaði margar skáld og smásögur.

Gygax var ótrúlegur frumkvöðull og hafa fáir einstaklingar haft jafn mikil áhrif á líf jafn margra og hann. Áhrif hans má sjá útum allan heim. Í dag eru til þúsundir tegunda spunaspila, tölvuleikja og skáldsagna sem sækja innblástur í verk hans og fullyrði ég að world of warcraft og aðrir sambærilegir mmorpg leikir, sem tugir miljóna manna um allan heim spila, væru töluvert öðruvísi (eða einfaldlega ekki til) ef Gary Gygax hefði ekki komið við sögu.

Ég komst fyrst í kynni við spunaspil þegar ég var tólf eða þrettán ára gamall og hef verið óforbetranlegur spilafíkill síðan. 

Takk herra Gygax 

 

Gary Gygax í Futurama 


Skilum ruslpóstinum!!!

Fyrst að útburðarfólk hefur enga kosti en að bera út blessaðan ruslpóstinn legg ég til að við tökum málin í okkar hendur og skilum ruslpóstinum.

Persónulega er ég kominn með stóran stafla af ruslpósti sem ég hyggst flokka og skila... en ekki í endurvinnsluna heldur á skrifstofur fyrirtækjanna sem eiga ruslpóstinn.

Ég legg til að við rottum okkur saman og skilum öllum óumbeðnum ruslpósti til auglýsenda þann fyrsta mars næstkomandi.

Drekkjum skrifstofum B.T, Rúmfatalagersins, Hagkaupa og annarra ruslpóstseigenda í eigin ruslpósti. 

 Góðar stundir.


mbl.is Neytendur geti afþakkað fjölpóst í fríblöðum
Tilkynna um óviðeigandi tengingu við frétt

Yfir strikið.

Mikið hefur verið rætt að undanförnu að fara yfir strikið.

Bloggarar og stjórnmálamenn þykja gera mikið af því að fara yfir strikið og nú um daginn voru þeir spaugstofufélagar sakaðir um að hafa farið langt yfir strikið.

Sumir fara þó aldrei yfir strikið nema þá í því að hneykslast á þeim sem yfir það fara.

Ég þekki nokkuð af fólki sem fer stundum yfir strikið og fer meira að segja nokkuð reglulega sjálfur yfir strikið.

Að fara yfir strikið getur verið mjög gott, hreinsandi og mannbætandi.

Við skulum ekki fara yfir strikið í því að vera alltaf undir strikinu og undirstrika ég það með því að hvetja sem flesta að fara nú yfir strikið öðru hverju.

 Kannski getum við lært eitthvað af því að dvelja hinu megin við strikið í smá stund.

 

Góðar stundir. 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband